مشاكل طلاب قرية الفقراء بالجامعات والمعاهد العليا

محمد عمر كتب:السلام عليكم ورحمة الله تعالى وبركاته
الطرح لهذا الموضوع جاء من قبل عدة طلاب وحقيقه الأمر في غاية الأهمية قالوا اليدو في المويه مازي اليدو في النار وين اخوانا المغتربين وين اللجنه الشعبيه وين المؤتمر الوطني وين الحركه الشعبيه ( يا معتصم ) وين اخوانا المتواجدون بالسودان الخريجيين المهندسين ناس البترول الدكاتره وين وين وين وووووووووين وين الملايين وييين الشعب السوداني ويين
طبعاً قربت اغني اغنية الحلم العربي ولو وجدتها في الكمبيوتر لحملتها اليكم . المقدمة كانت طويله وانا بتكلم بحال لسان الطلاب بالأخص المتواجدون بالخرطوم ( احمد عبدالله البشير ومحمد أحمد شكر الله ومحمد عمر دفع الله والطيب عوض ومحمد صلاح وعطاف دفع الله وأيمن سعيد وعبدالله عبد الوهاب ومحمد محجوب العوض ومحمد عمر الهادي ) المشكله يسألون ماذا فعل الله بالرابطه القديمه والمؤسف اننا لما سألنا وين الرابطه وين اعضاءها قالوا كدي كونوا رابطه وتعالوا أسألوا ، فعلاً عملنا الرابطه وكانت في عيد الأضحي الماضي وعلى فكره بنى النادي كان بواسطة هذه الرابطه او ما سميناها بالمجموعه المتحده وكان المحفذ الأخ الاكبر ابو بكر محمد خلف الله وتم بحمد الله اكمال النادي عمل بالجد ما اتعمل من قبل رابطه قديمه دا ان دل انما يدل على مدى صدق هذه الرابطه ومدى مسؤلياتها تجاه الواجب الوطني وخصوصاً قريتنا .
ما تتمناه هذه المجموعه :
ان تكون لها رابطه مثل القرى الأخرى ( للأسف القرى التي بجوارنا لا نذهب الى البعيد العماره والكشامر وود الفادني كل هذه القرى لها صوت عالي خفاق يجيب الداعي اذا دعاه )
وايضاً يسألون اين ختم الرابطه القديمه كان ما قدرتوا تعملوا حاجه اندونا ليهو نحنا الشفع ديل زي ما قالوا بعض الناس .
اهدافنا : تكوين الرابطه
الاستفاده من اتحاد الطلاب
عمل منزل سكن للطلاب
عمل نظافه للقريه وتشجيرها
تسوير المقابر

ملاحظه نحنا ما دايرين نقول خلوا لينا اللجنه برانا لكن بقول لا تظلموا الشباب ( ادونا فرصه )
منتظرين الرد وما يبقى (كلام نت)
لنا لقاء آخر
انشاء الله ..................... ..................................