ما رايكم في الرجل الذي يساعد زوجته او اهله في ترتيب وتنظيف المنزل

معتصم الصادق كتب:انت ياعبير بتجيبى لينا فى المشاكل ------لو تحصل مجاعه فى البيت مابدخل المطبخ ناهيك عن اى مساعدة لوجستية او مباشرة ----
--- انا بتاع جاهزة وبس صادر ووارد --------
ممكن اتنازل عن اى شى حتى العصمة بس حكاية المطبخ دى مافيها تنازل ---- وبعدين الفائدة شنو وانا بغسل فى الصحون ----
والله دى المسخرة ذاتها --- الموضوع دا محول الى الى المنظرين ---
اخونا ودعبدالله راقى ممكن يساعد انا عارف رايو ---
تعال يا ودحمامة شوف ناس ( السمسترات ) بقولو شنو ----
موضوعك دا احذفيه وياها الفضلت هو فى المطبخ وانتى تصلحى فى النظارة ---
ياعبير بالغتى --- دا اخرتا --- غسيل صحون ---
ما قادر اتخيل اخونا ابوبكر الادمن شكلو كيف وهو بغسل فى باقى الحلل ---
بهدلة جد -----

محمد عمر كتب:والله ان شايف كلام محمد عبدالله صح يعني لو كانو قاعدين براهم ما فيها حاجه ما انت اذا كنت فاضي ما عندك شغل او جيت من الشغل واخذت راحة اذا في شغل في البيت وزوجتك ما قدرت عليه او الاولاد ماخلوها تشتغل الحياة تكافل .
دا كلام صاح يا محمد عمر
لكن بعض النساء مفتريات الواحده تكون ما عندها اي مبرر تنتظرك بعد ما تجي من الشغل تسأل عن اي شغل تقول ليك ما قدرت . عشان كده انا احبذ ان الرجل في البداية يكون صارم .بعد ما يتقدم ممكن يساعد .

محمد عبدالله كتب:بصراااااااااحه شديده

الناس ديل كلهم بغسلو وبكنسو وبورقو الخدره

اي زول رد علي الموضوع السوط وصلو علشان كده قام وهاج وبرز عضلاتو علشان ينفي التهمه

اذا رجعتو لي كلامي الفوق هي العرف السوداني مرفوضه لكن بسوها بالدس

والراجل لمن المره تكون هارشاه بس هي بتعاين وزولك يقول وقت انا قاعد ساي اقوم اساعدك