ﺍﻟﺪﻧﻴﺎ ﺻﻴﻒ ﻭﺍﻟﻮﺍﻃﺔ ﺣﺮ ﻭﺍﻟﺨُﻠﻖ ﺿﺎﻳﻖﻭﻳﺎ ﻛﺎﻓﻲ ﺍﻟﺒﻼﺀ ﺍﻟﻤﻮﻳﺔ ﺗﺪﺧﻞ ﺍﻟﺮﻳﻖ ﺗﺴﻤﻊ ﺗﺶ.. ﻭﺍﻟﻌﺮﻕ ﺻﺎﺑﻲ ﺯﻱ ﺍﻟﺰﻳﺮ ﺍﻟﻘﻨﺎﻭﻱ.. ﻭﺃﻧﺎ ﻓﻲ ﻧﺺ ﺍﻟﺨﻼﻳﻖ ﻣﺘﺸﻌﺒﻂ ﻓﻲﻟﻮﺭﻱ ﺍﻟﻄﻮﺏ ﺟﺎﻱ ﻣﻦﺣﻠﺔ ﻛﻮﻛﻮ .. ﻳﺪ ﻓﻲ ﺍﻟﺘﻨﺪﺓ ﻭﻳﺪ ﻣﺎﺳﻜﺒﻬﺎ ﺍﻟﺒﺘﻴﺨﺔ ( ﺍﻟﻌﺰﻟﺘﻬﺎ ﻋﺰﻝ )ﻋﻠﻰ ﺍﻟﺴﻜﻴﻦ.. غايتو ﻧﺰﻟﺖ ﻣﻦ ﺍﻟﻠﻮﺭﻱ ﻣﻜﺘﺢ ﺯﻱ ﺍﻟﺠﺎﻱ ﻣﻦ ﺩﺍﻓﻨﻪ.. ﺷﺎﻓﻨﻲ ﺷﺎﻓﻊ ﺍﻟﻄﻴﺐ ﻭﺩ ﻋﻠﻲ ﻗﺎﻝ ﻟﻲ : ﺇﻧﺖﺍﻷﺷﺘﺮ ﺑﺘﺸﺘﻐﻞ ﻓﻲ ﺍﻟﺨﺮﺗﻮﻡ ﺑﺘﺒﻴﻊ ﻓﻮﻝ ﺣﺎﺟﺎﺕ؟ ﻣﺎﻟﻚ ﻣﻜﺘﺢ ﻭﻣﻐﺒﺮ ﻛﺪﻱ ..ﺇﺑﺘﺴﻤﺖﻭﺧﻔﺖ ﺃﺿﺤﻚ ﻣﻦ ﺷﺪﺓ ﺍﻟﺨﺸﻢ ﻣﻮ ﻧﺎﺷﻒ ﺧﺎﻳﻔﻮ ﻣﺎ ﻳﻨﻘﻔﻞ ﺗﺎﻧﻲ .. ﻭﺃﻧﺎ ﻣﺎﺷﻲ ﻋﻠﻰ ﺑﻴﺘﻲﻭﺃﺗﺤﻜﺤﻚ ﻓﻲﺍﻟﺤﻴﻂ ﻟﻲ ﺷﻮﻳﺔ ﺍﻟﻀﻞ ﺯﻱ ﺍﻟﻐﻨﻤﺎﻳﺔ ﺍﻟﺠﺮﺑﺎﻧﺔ.. ﻭﻭﻛﺖ ﻭﺻﻠﺖ ﻻﻋﻦ ﺣﻴﻄﺔ ﺃﺣﻤﺪ ﻭﺩﺻﺎﻟﺢ ﺍﻟﻤﻤﺮﺽ ﺃﺳﻤﻊ ﺟﻨﺲ ﻧﻀﻤﻲ ﻭﻛﻮﺍﺭﻳﻚ .. ﺃﺳﻤﻌﻠﻚ ﺃﺣﻤﺪ ﻳﻜﻮﺭﻙ ﻓﻲ ﺍﻟﻤﺮﺓ ﻭﻛﺘﻠﻨﻲﺍﻟﺸﻤﺎﺭ ﻭﻭﻗﻔﺖ ﺃﺳﻤﻌﻮ ﻳﺼﻴﺢ :ﺇﻧﺖ ﻗﺎﻳﻠﻪ ﺭﻭﺣﻚ ﻣﺮﻩ ﻣﻊﺍﻟﻨﺴﻮﺍﻥ؟؟ ﺗﺸﺒﻬﻲ ﺷﺎﻳﺐ ﺍﻟﻜﺸﺘﻴﻨﺔ ﻛﺪﻱ.. ﺃﻭﻝﻣﺮﺓﺃﺷﻮﻑ ﻟﻲ ﻣﺮﻩ ﻣﺸﻠﺨﺔ ﺑﺎﻟﻄﻮﻝ ﻭﺍﻟﻌﺮﺽ كروهات ﺍﻟﺘﻘﻮﻝ ﺷﻠﺨﻚ ﺗﺮﺯﻱ!! ﻋﻠﻴﻚ ﺃﻣﺎﻥ ﺍﻟﻠﻪ ﺧﻠﻘﺘﻚﺩﻱ ﻣﺎ ﺷﻔﺘﻬﺎ ﺇﻻ ﻓﻲ ﻏﻔﻴﺮ ﺍﻹﺳﺘﺒﺎﻟﻴﺔ.. ﻳﺎ ﺍﻟﻨﺤﺲ .. ﺇﻧﺖي ﻣﺎ ﺗﺤﻤﺪﻱ ﺍﻟﻠﻪ ﺃﻧﻮﻟﻘﻴﺘيلك ﺯﻭﻝ ﻳﻘﺎﺑﻠﻚ ﻛﻞ ﻳﻮﻡ!! ﻳﻘﺎﺑﻠﻚ ﻗﻄﺮ ﻧﻴﺎﻻ ﺇﻥ ﺷﺎﺀ ﺍﻟﻠﻪ .. ﺇﻧتي ﺑﺪﻭﺭﻱﺗﻘﺼﺮﻱ ﻋﻤﺮﻱ ﺑﻲ ﺷﻜﻴﺘﻚ ﻭﻧﺠﻬﻴﻚ ﺩﻩ .. ﺃﻧﺎ ﺃﺳﻮﻱ ﺷﻨﻮ ﺃﺳﺮﻕ ﻭﻻ ﺃﻧﻬﺐ ﻋﺸﺎﻥ ﺃﻛﻔﻲ ﺑﺮﻣﻴﻠﻚﺍﻟﺸﺎﻳﻠﻪ ﺩﻩ!!.. ﻓﻲ زولة ﺑﺘﺎﻛﻞ ﻟﻴﻬﺎ 30 ﻋﻴﺸﺔ ﻓﻲ ﺍﻟﻴﻮﻡ..؟؟ ﻭﺍﻟﻠﻪ ﺇﻧﺖ ﺍﻷﻛﻞ ﺍﻟﺒﺘﺄﻛﻠﻲﺩﻩ ﺃﻛﺎﻥ ﺃﻧﺎ ﺇﺗﺒﺮﻋﺖ ﺑﻴﻬﻮ ﻟﻲ ﺯﺍﺩ ﺍﻟﻤﺠﺎﻫﺪ ﻛﺎﻥ ﺃﻛﻮﻥ ﻣﻦ ﺍﻟﻌﺸﺮﺓ ﺍﻟﻤﺒﺸﺮﻳﻦ ﺑﺎﻟﺠﻨﺔ.. ﻭﺇﻧﺖ ﺗﺸﻜﻲ!!.. ﺇﻧﺖ ﻓﺼﻴﻠﺘﻚ ﺷﻨﻮ ﺇﻧﺖ؟؟ ﻣﺮﻓﻌﻴﻦ.. ؟؟ ﻭﻓﻲ ﺍﻷﺧﺮ ﺗﺠﻲ ﺗﻘﻮﻟﻲ ﻟﻲ ﺩﺍﻳﺮﺓ ﺳﻠﺴﻞﻟﻴﻞ ﺩﻫﺐ!! ﻫﻮ ﺭﻗﺒﺘﻚ ﺩﻱ ﺑﻨﻔﻊ ﻣﻌﺎﻫﺎ ﺳﻠﺴﻞ؟ ﺩﻱ ﺩﺍﻳﺮﺓ ليها ﺩﺭﺍﺑﺰﻳﻦ ﺩﺍﻳﺮ ﻣﺎﻳﺪﻭﺭ..!! ﻋﻠﻰ ﺍﻟﻄﻼﻕ ﺑﺪﻝ ﻧﻤﺸﻲ ﻟﻲ ﺻﺎﻳﻎ ﺣﻘﻮ ﻧﻤﺶ ﻟﻲ ﺣﺪﺍﺩ.. ﻭﻛﻤﺎﻥ ﺗﺸﺮﻃﻲ ﻋﻠﻰ ﻭﺗﻘﻮﻟﻲ ﺇﻥ ﻣﺎﺟﺒﺘﻮﺃﻃﻠﻘﻚ..!! ﺑﻌﺪ ﺷﻮﻳﺔ ﺃﺳﻤﻊ ﻟﻴﻚ ﻋﺮﻓﺔ ﻣﺮﺗﻮ ﺗﻠﻌﻠﻊ.. ﻓﻲ ﺍﻷﻭﻝ ﻟﻤﻦ ﺟﺎﻧﻲ ﺍﻟﺼﻮﺕ ﻛﻨﺖ ﻗﺎﻳﻠﻮ ﺍﻟﺠﻨﺮﻳﺘﺮ ﺣﻖ ﺍﻟﺠﺎﻣﻊ ﻟﻜﻦ ﺷﻮﻳﺔ ﺷﻮﻳﺔ ﻋﺮﻓﺘﻬﺎﻋﺮﻓـــﺔ ﻣﺮﺗﻮ .. ﺃﻫﺎ ﻭﺇﻧﻔﺘﺤﺖ ﻓﻲ ﺍﻟﺮﺍﺟﻞ :ﻋﺎﺟﺒﻨﻲ ﺇﻧﺖ ﻳﺎ ﺍﻷﻏﺒﺶﺍﻟﻤﻜﻨﻜﺶ .. ﺇﻧﺖ ﻳﺎ ﺗﻮ ﻣﺮﻩ ﺍﻟﺒﺘﻘﺒﻞ ﺑﻴﻚ ﻏﻴﺮﻱ ﺃﻧﺎ ﺍﻟﺠﺒﺮﻭﻧﻲ ﻋﻠﻴﻚ ﻗﺎﻳﻞ ﺭﻭﺣﻚ ﻫﺎﻧﻲﺷﺎﻛﺮ.. ﻭﻻ ﻣﻦ ﻣﺎﻟﻚ ﻭﺣﻼﻟﻚ ﺍﻟﻜﺘﻴﺮ ﺍﻟﺒقول ﺃﻧﺎ ﺃﻧﺎ ﻳﻘﻮﻝ ﺻﻼﺡ ﺇﺩﺭﻳﺲ.. ﻣﻲ ﻳﺎﻫﺎ ﺍﻟﻤﺎﻫﻴﺔﺍﻟﻤﻜﻤﻠﺔ ﻛﻠﻬﺎ في ﺻﺎﺑﻮﻥ ﺑﺪﺭﺓ ﻭﻇﻬﺮﺓ ﻭ ﺃﻭﺭﻧﻴﺶ ﺍﻟﻴﻮﻡﻛﻠﻪ ﺗتحكحك ﻭﺗﺘﻤﺴﺢ ﻣﺎ ﻋﺮﻓﺘﻚ ﺷﻐﺎﻝﻣﻤﺮﺽ ﻭﻻ ﺑﺪﻝ ﺭﺍﻣﻲ ﻋﻴﺎﺵ!! ﻭﻛﺎﻥ ﻟﻲ ﺍﻷﻛﻞ ﻣﺎﻳﺎﻫﻮ ﻳﻮﻡ ﻋﺪﺱ ﻭﻳﻮﻡﻓﺎﺻﻮﻟﻴﻪ ﻭﺍﻟﻠﻪ ﺟﻨﺲ ﺃﻛﻞ ﺯﻱ ﺩﻩ ﻣﺎ ﺳﻤﻌﺖ ﺑﻴﻬﻮ ﺇﻻ ﻓﻲ ﻣﻌﺴﻜﺮ ﺍﻟﺪﻓﺎﻉ ﺍﻟﺸﻌﺒﻲ ﺍﻟﻔﻲ ﺍﻟﻘﻄﻴﻨﺔﺗﺠﻲ ﺗﺘﻜﻠﻢ ﻓﻲ ﺍﻷﻛﻞ؟!! ﻭﻛﺎﻥ ﻟﻲ ﺍﻟﺪﻫﺐ ﻣﻮ ﻳﺎﻫﻮ ﺩﻫﺐ ﺃﻣﻚﺍﻟﻠﺒﺴﻮﻧﻲ ﻟﻴﻬﻮ ﻳﻮﻡ ﺍﻟﻌﺮﺱ ﻭﺷﺎﻟﺘﻮ ﻭﺗﺎﻧﻲ ﺑﻌﻴﻨﻲ ﻣﺎﺷﻔﺘﻮ !!..ﺩﺣﻴﻦ ياراجل ﻳﺎ ﺗﺠﻴﺐ ﻟﻲﺩﻫﺐ ﺯﻱﺍﻟﻨﺴﻮﺍﻥ ﻳﺎ ﺗﻄﻠﻘﻨﻲ !! ﻭﺃﻧﺎ ﻭﻗﻒ ﺟﻨﺐ ﺍﻟﺤﻴﻄﺔ ﻳﺠﻲ ﺍﻟﺮﺍﺟﻞ ﺟﺎﺀ ﻣﺎﺭﻕﻣﻦ ﺍﻟﺒﻴﺖ ﻭﻋﻠﻮﻝ ﻣﺎﺷﻔﺘﻮ ﻋﻤﻠﺖ ﻓﻴﻬﺎ ﻣﺎﺷﻲ .. ﻗﺎﻡ ﺷﺎﻓني ﻭﻗﺎﻝ ﻟﻲ : ﺍﻟﻠﻪ ﺟﺎﺑﻚ ﻳﺎ ﺍﻷﺷﺘﺮﺃﻧﺎ ﺩﺍﻳﺮ ﺃﻃﻠﻖ ﺍﻟﻤﺮﻩ ﺍﻟبوم ﺩﻱ ﻭﺩﺍﻳﺮﻙ ﺗﺠﻲ ﺗﺸﻬﺪ ﻋﻠﻰ ﻃﻼﻗﻲ ... ﻭﺟﺮﺍﻧﻲ ﻟﻴﻚ ﻣﻦ ﻃﺮﻓﻲﻭﺩﺧﻠﻨﻲ ﺍﻟﺒﻴﺖ وكرعيني بفحطن .. ﻃﺒﻌﺎً ﺃﻧﺎ ﺳﻤﻌﺖ ﺍﻟﻨﻘﺎﺵ ﻛﻠﻮ ﻭﻣﺎ ﺩﺍﻳﺮ ﺿﻴﻊﻭﻗﺘﻲ ﺑﺪﻭﺭ ﺃﻟﺤﻖ ﺍﻟﻐﺪﺍ ﻋﻦ ﻧﺎﺱ ﻋﻤﻲ ﺍﻟﻠﻴﻠﺔ ﺿﺎﺑﺢ ﻟﻲ ﻃﻬﻮﺭة ﻭﻟﺪﻭ.. ﻭﻗﺒﻞ ﻣﺎ ﻳﻘﻮﻟﻮﺍ ﺃﻱ ﻛﻠﻤﺔ ﻗﻌﺪﺕ ﺃﻗﻮﻝ ﻟﻴﻬﻢ .. ﺇﻥ ﺍﺑﻐﺾ ﺍﻟﺤﻼﻝ ﻋﻨﺪ ﺍﻟﻠﻪ ﺍﻟﻄﻼﻕ .. ﻭﺃﻥ ﺍﻟﻄﻼﻕ ﺩﻩ ﻏﻴﺮ ﺍﻟﻔﻀﺎﻳﺢ ﻭﺍﻟﺒﻬﺪﻟﺔ ﻣﺎ ﺑﻮﺩﻱ ﻟﻲﺧﻴﺮ ﻭﺇﻧﺘﻮ ﺍﻟﻨﺎﺱ ﺑﺘﺤﺴﺪﻛﻢ ﻋﻠﻰ ﺣﺎﻟﺘﻜﻢ ﺍﻟﻜﻮﻳﺴﺔ ﻭﻋﻴﺸﺘﻜﻢ ﺍﻟﻬﻨﻴﺔ ﻭﺍﻟﺒﻴﻮﺕ ﻛﻠﻬﺎ ﻛﺪﻩ .. ﺍﻟﻤﻬﻢ ﺑﻲ ﻃﻴﺒﺘﻬﻢ ﺇﻗﺘﻨﻌﻮﺍ ﻭﺻﺎﻓﻴﺘﻬﻢ ﻋﻠﻰ ﺑﻌﺾ ﻭﻫﻮ ﻭﻋﺪﻫﺎ ﺁﺧﺮ ﺍﻟﺸﻬﺮ ﻳﺸﺘﺮﻱ ﻟﻴﻬﺎ ﺧﺎﺗﻢ.. ﺑﺸﻬﻮﺩﻱ ﺃﻧﺎ . ﺑﺲ ﺍﻟﻤﺼﻴﺒﺔ ﺇﻧﻮ ﺭﺟﻊ ﺣﻠﻒ ﻃﻼﻕ ﺇﻧﻮ ﺃﻧﺎ ﺃﺗﻐﺪﻯﻣﻌﺎﻫﻢ .. ﻭﺃﻧﺎ ﻣﻘﺒﻘﺐ ﺑﺘﻴﺨﺘﻲ ﺧﺎﻧﻘﻪ ﻟﻴﻚ ﺯﻱ ﻫﻮﺟﻦ.. ﻗﻠﺖ ﺃﺟﺒﺮ ﺑﻲ ﺧﺎﻃﺮﻫﻢ ﻭﻗﻌﺪﺕ ﻭﺭﺟﻴﺖﺃﺑﻠﻪ ﻧﻈﻴﺮﺓ ﻣﺸﺖ المطبخ .. ﺑﻌﺪ ﺷﻮﻳﺔ ﺟﺎﺑﻮ ﺍﻟﻐﺪﺍ ﺩﻳﻚ ﻳﺎ ﺍﻟﻔﺎﺻﻮﻟﻴﺎ .. ﻋﺸﺮﺓ ﺣﺒﺎﺕ ﻓﻲﺟﺮﺩﻝ ﻣﻮﻳﻪ ﻳﻌﻨﻲ ﻟﻮ ﺩﺍﻳﺮ ﺗﻤﺴﻚ ﻭﺍﺣﺪﺓ ﺇﻻ ﺑﻲ شبكة صيد ﺗﺸﺮﻙ ﻟﻴﻬﺎ .. ﻭﺇﺑﺘﺪﺕ ﺍﻟﻤﻌﺮﻛﺔ ﻭﺇﻧﺘﻬﺖ ﻓﻲ ﺧﻤﺲ ﺩﻗﺎﺋﻖ ﻭﺭﺟﻌﺖﺍﻟﺼﻴﻨﻴﺔ ﻛﻤﺎ ﻳﻮﻡ ﻭﻟﺪﺗﻬﺎ ﺃﻣﻬﺎ ﻧﻀﻴﻔﺔ ﺗﺴﺮ ﺍﻟﻨﺎﻇﺮﻳﻦ .. ﺃﻫﺎ ﺍﻟﻤﺮﻩ ﺳﺠﻢ ﺍﻟﺮﻣﺎﺩ ﻗﺎﻣﺖ ﻃﺒﺖﺑﺘﻴﺨﺘﻲ ﺍﻟﻌﺰﻳﺰﺓ ﺑﺪﻭﻥ ﺃﻱ ﺇﺣﻢ ﻭﻣﺸﺖ ﺑﻴﻬﺎ المطبخ ﻭﺟﺎﺑﺘﻬﺎ ﺷﺮﺍﻳﺢ ﺣﻤﺮﺍﺀ ﺗﻔﺘﺢﺍﻟﻨﻔﺲ .. ﺃﻫﺎ ﺃﻧﺎ ﻗﻤﺖ ﺃﻏﺴﻞ ﻳﺪﻱ ﻭﺃﺭﺟﻊ ﺃﻛﻞ ﻣﻦ ﺣﻼﻟﻲ ﻭﻋﺮﻕ ﺟﺒﻴﻨﻲ ﻟﻤﻦ ﻏﺴﻠﺖ ﻭﺟﻴﺖ .. ﻟﻘﻴﺖﻟﻴﻚ ﻗﺸﺮ ﺑﺘﻴﺨﺘﻲ ﻣﻜﻮﻡ ﺯﻱ ﺍﻟﺴﻔﻨﺠﺎﺕ ﻗﺪﺍﻡ ﺍﻟﺠﺎﻣﻊ.. ﻻ ﺃﺛﺮ ﻟﻠﻮﻥ ﺍﻷﺣﻤﺮ ﻓﻲ ﺍﻟﺼﻴﻨﻴﺔ وعرفة بتلحس في صباعاتا .. ﻗﻤﺖ ﻣﺤﺮﻭﻕ ﻭﺍﻟﻤﻐﺴﻪ ﺑﺪﻭﺭ ﺗﺸﻘﻨﻲ.. ﺍﻟﺒﺘﻴﺨﺔ ﻣﺸﺘﺮﻳﻬﺎ ﺑﺒﺎﻗﻲ ﻣﺎﻫﻴﺔ ﺍﻟﺸﻬﺮ .. ﻭﻣﺤﺎﺟﺞ ﻓﻴﻬﺎ ﺑﺘﺎﻉ ﺍﻟﺒﺘﻴﺦ ﻧﺺ ﺳﺎﻋﺔ ﺳﻠﻴﺖﻓﻴﻬﺎ ﺭﻭﺣﻮ.... ﻭﺟﻨﺐ ﺍﻟﺒﺎﺏ ﻭﺃﻧﺎ ﻣﺎﺭﻕ ﺍﻟﺮﺍﺟﻞ ﻗﺎﻝ ﻟﻲ ﻛﺘﺮ ﺧﻴﺮ ﺧﻠﻴﺘﻨﺎ ﻧﻨﻌﻞ ﺍﻟﺸﻴﻄﺎﻥﻭﻧﺮﺟﻊ ﻟﻲ ﻋﻘﻠﻨﺎ .. ﻗﻠﺖ ﻟﻴﻬﻮ :.. ﺃﺳﻲ ﺍﻟﺸﻴﻄﺎﻥ ﺫﻧﺒﻮ ﺷﻨﻮ ﻧﺎﻋﻠﻨﻮﻣﺎﻟﻮ ؟؟ هو الاﻛﻞ ﺑﺘﻴﺨﺘﻲ؟؟ ﺃﻣﺸﻲ ﺃﻧﻌﻞ ﺍﻟﺸﻴﻄﺎﻥ ﺍﻟﺠﻮﻩ ﺩﻳﻚ . ﺍﻷﻓﻪ ﺍﻟﻤﺎ ﺑﺘﺘﻼﻓﻪ . ﻓﻲﺯﻭﻝ ﻳﻌﺮﺱ ﻟﻴﻬﻮ ﻃﺎﺣﻮﻧﺔ.. ؟؟ ﻭﺇﻥ ﺩﺍﻳﺮ ﺗﻄﻠﻘﻪ ﺑﺖ ﺍﻟﻜﻠﺐ ﻃﻠﻘﻪ .. ﺗﺮﺍﻧﻲ لسة ﻣﺎ ﻣﺮﻗﺖ ﻣﻦ ﺍﻟﺒﻴﺖ ﻟﻲ ﺃﺳﻪ . ﻭﺟﺎﻫﺰ ﺗﺤﺖ ﺍﻟﺨﺪﻣﺔ وتب بشهد ليك والرهيفة التنقد. . ﻏﺎﻳﺘﻮ ﻣﺸﻴﺖ ﻭﺑﻘﻴﺖ ﺃﺭﺩﺩ ﻓﻲ ﺍﻟﻐﻨﻴﺔ ﺍﻟﺒﺘﻘﻮﻝ:
ﺟﻨﺐﺍﻟﺤﻴﻄﺔ ﺩﻱ ﺃﻧﺎ ﺗﺎﻧﻲ ﻣﺎ ﺑﺠﻲ ..... ﺍﻟﻄﻼﻕ ﻛﺘﻴﺮ ﺃﻧﺎ ﺗﺎﻧﻲ ﻣﺎﺑﺠﻲ
منقووووووووول
الخميس أغسطس 06, 2015 5:10 pm من طرف محمدخميس
» اين عبير خضرى
الأربعاء يوليو 15, 2015 9:53 am من طرف رافت صبحى
» من الاخطار التى تقابل المسلمين فى طريق الله
الجمعة يونيو 05, 2015 7:53 pm من طرف محمدخميس
» صفات رسول الله صلى الله عليه وسلم المعنوة والباطنية
الثلاثاء مايو 26, 2015 9:02 am من طرف محمدخميس
» من الحجب التى تحجب المريد عن فضل الله
الخميس مايو 14, 2015 10:40 am من طرف محمدخميس
» مالك ابن دينار
الإثنين نوفمبر 10, 2014 10:10 am من طرف سيف بن خلفان المبسلي
» المراة القبيحة افضل للرجل صحيا00
الإثنين نوفمبر 10, 2014 7:06 am من طرف سيف بن خلفان المبسلي
» احذر طقطقة الاصابع !!!
الإثنين نوفمبر 10, 2014 6:58 am من طرف سيف بن خلفان المبسلي
» النظر للنساء يضعف الذاكرة
الإثنين نوفمبر 10, 2014 6:50 am من طرف سيف بن خلفان المبسلي