ليمونة بت حاج قرضمة معروفة بتقلب تلتمية وستين درجة لاقل سبب الناس ما بتخاف منها لكن بتتحاشاها مادايرين مشاكل حتى الونسة معاها لازم تعمل حسابك في كلامك معاها واكون مصحح عندي اكبر مصحح لغوي وكلام واضح مافيهو اي لخبطة او شخبطة او رسم في الحيط زي ما بتقول نانسي عجرم . اها ليمون قاعدة في البيت وابوها لسه ما مشى الشغل بيشرب في الشاي من الصباح . قام ود جيرانم شلاقة معروف خشمو متبري منو قال ليها يا ليمونة عوضية كريمات قالت لي ليمونة اليومين ديل بقت شينة الكريم الجبتو ليها باين عليهو ما نفع معاها.. اها ليمونة ما صدقت شالت الكلام ولانو ابوها عارفها بقى اكورك ليك تعالي يا بت وطبعا هي ما صدقت لقت ليها كلام كانو ما بتكلم معاها ومرقت جري على بيت ناس عوضية
أسمـــــــــــاء الله الحســـنى
المواضيع الأخيرة
احصائيات
أعضاؤنا قدموا 10435 مساهمة في هذا المنتدى في 1997 موضوع
هذا المنتدى يتوفر على 252 عُضو.
آخر عُضو مُسجل هو محمدخميس فمرحباً به.
المتواجدون الآن ؟
ككل هناك 2 عُضو متصل حالياً :: 0 عضو مُسجل, 0 عُضو مُختفي و 2 زائر
لا أحد
أكبر عدد للأعضاء المتواجدين في هذا المنتدى في نفس الوقت كان 77 بتاريخ السبت يناير 07, 2012 7:36 pm
+8
الزعيم
mohdraggo925
عبير خضري(ام رتاج)
azhari
محمد عبدالله
معتصم الصادق
ود الصادق
محمد حمامه
12 مشترك
ليمونة مشاكل
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 1
ليمونة مشاكل
الجماعة فترو من الحجز كل يوم لازم من الصباح الكواريك تضرب والنباح احصل . ناس الحلة ماعارفين امشو وين .
ليمونة بت حاج قرضمة معروفة بتقلب تلتمية وستين درجة لاقل سبب الناس ما بتخاف منها لكن بتتحاشاها مادايرين مشاكل حتى الونسة معاها لازم تعمل حسابك في كلامك معاها واكون مصحح عندي اكبر مصحح لغوي وكلام واضح مافيهو اي لخبطة او شخبطة او رسم في الحيط زي ما بتقول نانسي عجرم . اها ليمون قاعدة في البيت وابوها لسه ما مشى الشغل بيشرب في الشاي من الصباح . قام ود جيرانم شلاقة معروف خشمو متبري منو قال ليها يا ليمونة عوضية كريمات قالت لي ليمونة اليومين ديل بقت شينة الكريم الجبتو ليها باين عليهو ما نفع معاها.. اها ليمونة ما صدقت شالت الكلام ولانو ابوها عارفها بقى اكورك ليك تعالي يا بت وطبعا هي ما صدقت لقت ليها كلام كانو ما بتكلم معاها ومرقت جري على بيت ناس عوضية
ليمونة بت حاج قرضمة معروفة بتقلب تلتمية وستين درجة لاقل سبب الناس ما بتخاف منها لكن بتتحاشاها مادايرين مشاكل حتى الونسة معاها لازم تعمل حسابك في كلامك معاها واكون مصحح عندي اكبر مصحح لغوي وكلام واضح مافيهو اي لخبطة او شخبطة او رسم في الحيط زي ما بتقول نانسي عجرم . اها ليمون قاعدة في البيت وابوها لسه ما مشى الشغل بيشرب في الشاي من الصباح . قام ود جيرانم شلاقة معروف خشمو متبري منو قال ليها يا ليمونة عوضية كريمات قالت لي ليمونة اليومين ديل بقت شينة الكريم الجبتو ليها باين عليهو ما نفع معاها.. اها ليمونة ما صدقت شالت الكلام ولانو ابوها عارفها بقى اكورك ليك تعالي يا بت وطبعا هي ما صدقت لقت ليها كلام كانو ما بتكلم معاها ومرقت جري على بيت ناس عوضية
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 2
رد: ليمونة مشاكل
عوضية كريمات يادوب انتهت من شراب الشاي ودايرة تشوف باقي شغلا . اها ليمونة دفرت الباب كانها تور هائج وفتحت النار عليها . وقالت ليها : يا عوضية انا بقيت شينة دايرة تعملي لي سمعة في الحلة. سمعة شنو يا ليمونة يا بت امي ( نظام كسير تلج ) ليمونة اتهجمت وقال بينها وبين نفسها ( اكيد الولد شلاقة كلمها اووووب على الليلة الله امرقني ساااي ) اها بدت تنكر وقال ليها : ياليمونة انتي عارفة معزتك عندي وما برضي فيك اي كلام القال ليك منو انا قلت فيك كدا . ردت ليمونة : دا الولد شلاقة كلمني وطوالي جيتك ، ياعوضية الكلام حرقنتي وبعدين تعالي هنا انتي اجمل مني في شنو عاملة وشك المكرضم دا .. هوووي يا عوضية فتحي عينك كويس وشوفي انتي بتتكلمي في منو .. ( والله كلام شوفو التبش البقى امش ).
طبعا عوضية ما قدرت ترد على ليمونة لانو عارفاها كان فتحت ما بتسكت باختي واختك فقالت احسن تعمل رايحة عشان تهدئ النار الاتفتحت فيها من الصباح دي .. لكن ضمرت الشر في قلبها للولد شلاقة وقررت تتسد حقها منو .. نواصل
طبعا عوضية ما قدرت ترد على ليمونة لانو عارفاها كان فتحت ما بتسكت باختي واختك فقالت احسن تعمل رايحة عشان تهدئ النار الاتفتحت فيها من الصباح دي .. لكن ضمرت الشر في قلبها للولد شلاقة وقررت تتسد حقها منو .. نواصل
ود الصادق- متميز
- عدد المساهمات : 314
نقاط : 477
تاريخ التسجيل : 27/02/2010
- مساهمة رقم 3
رد: ليمونة مشاكل
إبان صدور إصدارة قريتي كان الكثيرون يسألون عن (المنعكش بالحيط) وما ذاك إلا لما يصوره بقلمه الأنيق وهو يمس على جراح واقعنا الاجتماعي.. وكم تكون اللمسة السحرية في علاج المشكلة أو القضية التي ظلت تؤرق مجتمعنا.. فالدراما وما لها من وصول سريع لأفئدة المتلقي تؤطر فينا نهج التواصل والمحبة والوئام.
سر في تقدم ففضاءاتكم حبلى بالكثير وأنت مدهش دوماً بهذا التناغم العذب الشذي.. لك التحية ودحمامة وأنت تمسح عنا آهات الغرب وهجيرها وتسوح بنا في كوكبك الفسيح
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 4
رد: ليمونة مشاكل
جميل الكلام حينما يعبر عن ارضية الواقع ويهتم بمشاكل المجتمع بلغة واقعية مبسكة دارجة ومبسطة تحكى عن حراك المجتمع ----
واصل السرد ونحن ننتظر المزيد من ( ديك العدة )
واصل السرد ونحن ننتظر المزيد من ( ديك العدة )
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 5
رد: ليمونة مشاكل
المعنكش بالحيط ما ذاك إلا رجل همته هموم اهله بقريته الحبيبة والفضل لله الواحد لاحد وتوفيقه لاخراج اصدارة قريتي باناملك الجميلة اخي عصمت فهي روحنا وروح قلوبنا لتعلقنا بالقرية العزيزة علينا كلنا مشكور ع المرورود الصادق كتب:إبان صدور إصدارة قريتي كان الكثيرون يسألون عن (المنعكش بالحيط) وما ذاك إلا لما يصوره بقلمه الأنيق وهو يمس على جراح واقعنا الاجتماعي.. وكم تكون اللمسة السحرية في علاج المشكلة أو القضية التي ظلت تؤرق مجتمعنا.. فالدراما وما لها من وصول سريع لأفئدة المتلقي تؤطر فينا نهج التواصل والمحبة والوئام.سر في تقدم ففضاءاتكم حبلى بالكثير وأنت مدهش دوماً بهذا التناغم العذب الشذي.. لك التحية ودحمامة وأنت تمسح عنا آهات الغرب وهجيرها وتسوح بنا في كوكبك الفسيح
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 6
رد: ليمونة مشاكل
تسلم يا غالي ومشكور ع المرور اتمنى ان اكون بحجم هذا المنتدي الجميل ووعي اعضاء الذين اكن لهم كل الحب المحبة والوفاءمعتصم الصادق كتب: جميل الكلام حينما يعبر عن ارضية الواقع ويهتم بمشاكل المجتمع بلغة واقعية مبسكة دارجة ومبسطة تحكى عن حراك المجتمع ----
واصل السرد ونحن ننتظر المزيد من ( ديك العدة )
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 7
رد: ليمونة مشاكل
عوضية كريمات اوجعتها تلك الحرب التي هاجمتها بها ليمونة مشاكل وتلك المهزلة التي لم تستطيع ردها ولو بكلمة دفاعية ولكن ليمونة ما خلت ليها حاجة نفضتها زي الواحدة لما تشر التوب في حبل الغسيل . ضمرت شرا للولد شلاقة فتجمع كل شياطين الدنيا وعقدوا اجتماعاً لمناقشة كيفية رد الاعتبار والانتقام من تلك القوالة للولد شلاقة . اها شلاقة عندو علاقة غرامية ببت جيرانم حفصة . وبحبها حب شديد اليوم كلو واقف قدام الدكان الجنب بيتم بشغلة وبدون شغلة ولو حفصة ساي قالت سلام برد ليها السلام بالف سلام وكلمات التحايا تجي دافرة من خشمو لحدي ما حفصة زاتها تختفي من الشارع اها عوضية عارفة حكاية الحبكانة دي وقالت اتيمنت إلا افركشها والولد شلاقة اشوف ليهو حبكانة اسويها . عوضية كريمات بعد مرور كم يوم صالحت ليمونة وتظاهرت برجوع المياه لمجاريها لكي تنجح الخطة وعزمت ليمونة مشاكل لشاي مغرب في بيتم .. نواصل
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 8
رد: ليمونة مشاكل
جات ليمونة مشاكل تتمشي الخيلاء واهمة نفسها بانها مهمة والكل يحترمها وهي ما جايبة خبر انو الكل بخاف من لسانها سااااااي دي واحدة فاتية ماعندها كبير . اها عوضية كريمات ماقصرت داك يا الشاي الماخمج والكيك والبسكويت كأنها حفلة عديل كدة وليمونة اتكيفت شديد وقالت لعوضية والله انتي عارفة انا برتاح ليك شديد وانتي صاحبتي من زمان لكن الولد شلاقة عمل فتنة بيني وبينك والشيطان شاطر وما تزعلي مني . عوضية ما صدقت وقالت الله اكبر عليك يا شلاقة . اها طوالي استلمت الموضوع وقالت ليها : انتي ماعرفتي الشمار يا ليمونة ؟ ليمونة : شمار ؟ شمار شنو يابتي امي . انتي لو ما عزيزة وغالية عندي ما كنت قلت ليك اها الولد شلاقة ما عامل ليهو حبكانة مع حفصة وسادي الشارع بتاع الدكان من الناس اليوم كلو واقف ارد السلام لحفصة وقبل يومين كان بتكلم معاها في الشارع وسمعتو باضاني دي البياكلا الدود قال ليها يا حفصة انتي اجمل من ليمونة وليمونة عاملة فيها بتحبني لكن انا بمشي فيها سااااي . طبعا ليمونة بقت بطيخة كبيرة ما ليمونة صغيرة من شدة الزعل وطبعا الشيطان الاكبر وقف في راسها وما انتظرت لحدي ما عوضية تودعها وتقيف معاها زمن طويل قدر الزمن القعدتو جوة معاها جرت جري تفتش للولد شلاقة .. نواصل
محمد عبدالله- متميز
- عدد المساهمات : 186
نقاط : 275
تاريخ التسجيل : 18/04/2010
العمر : 42
- مساهمة رقم 9
رد: ليمونة مشاكل
اي ماشي معاك كويس لكن مامعقول ننتظرك فاتحين خشومنا للاسبوع الجاي
زي مسلسل اوشين في تلفزيون السودان زمان
زي مسلسل اوشين في تلفزيون السودان زمان
azhari- عضو نشيط
- عدد المساهمات : 26
نقاط : 40
تاريخ التسجيل : 29/04/2010
العمر : 55
- مساهمة رقم 10
رد: ليمونة مشاكل
الاحتكاك باناس مختلفين ومتعددى الثقافات يكسبك مقدرة على تحريك افكارك باتجاهات متعددة بعيدا عن متاعب ومتطلبات الحياة اليومية ،وهي السبب الاساسي في اختصار الناس لابسط الاشياء
ووضعها في معيار ليس بحجمها مما يحد من الاسهاب في جماليات ما حوله من اشياء وعدم ادراكه لها حتي ينتبه يوما بعد فوات الاوان بان هناك شي جميل كان موجودا ولكن سوف يتبدد حتي يصبح في احد الارفف التي تحمل شيئان لا يمكنهما الاعادة وهما الموت والولادة
لتكون بؤرة ومنارة للآخرين فكن زهرة تعطر المكان باجمل روائح الكلمات والمعاني ، وانثر شذى الالوان لتجعل تداخلها طيفا في عيون الآخرين الذين اختلطت عليهم حاستي الشم والبصر، وهما اللذان يجران البعض في خصوصيات الآخرين واقتحامها عنوة لتنهال بعدها الكوارث
ووضعها في معيار ليس بحجمها مما يحد من الاسهاب في جماليات ما حوله من اشياء وعدم ادراكه لها حتي ينتبه يوما بعد فوات الاوان بان هناك شي جميل كان موجودا ولكن سوف يتبدد حتي يصبح في احد الارفف التي تحمل شيئان لا يمكنهما الاعادة وهما الموت والولادة
لتكون بؤرة ومنارة للآخرين فكن زهرة تعطر المكان باجمل روائح الكلمات والمعاني ، وانثر شذى الالوان لتجعل تداخلها طيفا في عيون الآخرين الذين اختلطت عليهم حاستي الشم والبصر، وهما اللذان يجران البعض في خصوصيات الآخرين واقتحامها عنوة لتنهال بعدها الكوارث
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 11
رد: ليمونة مشاكل
منور المنتدى -- ياهندسةبالاحمر العنابى ----
وحكاية اختلاف الثقافات برنجع ليها تانى --
ننتظر المزيد -----
كلمنا عن صعوبة العلاج بالسودان وارتفاع التكاليف
فالامر يحتاج الى نقاش ----الاطباء الجزارون
وحكاية اختلاف الثقافات برنجع ليها تانى --
ننتظر المزيد -----
كلمنا عن صعوبة العلاج بالسودان وارتفاع التكاليف
فالامر يحتاج الى نقاش ----الاطباء الجزارون
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 12
رد: ليمونة مشاكل
ههههههههههه مهندس محمد يا رائع اصبر شوية لانو ليمونة كايسة الولد شلاقةمحمد عبدالله كتب:اي ماشي معاك كويس لكن مامعقول ننتظرك فاتحين خشومنا للاسبوع الجاي
زي مسلسل اوشين في تلفزيون السودان زمان
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 13
رد: ليمونة مشاكل
كلام جميل باشمهندس ازهري ولكن كل الحياة متاعب فقط نحن الذين نستطيع ان نجعلها بدون متاعب وكثير من الاحيان الانسان يمتلئ بداخله هموم ومشاغل كثيرة ولكنها محصورة في الداخل وكما قال الحكيم :azhari كتب:الاحتكاك باناس مختلفين ومتعددى الثقافات يكسبك مقدرة على تحريك افكارك باتجاهات متعددة بعيدا عن متاعب ومتطلبات الحياة اليومية ،وهي السبب الاساسي في اختصار الناس لابسط الاشياء
ووضعها في معيار ليس بحجمها مما يحد من الاسهاب في جماليات ما حوله من اشياء وعدم ادراكه لها حتي ينتبه يوما بعد فوات الاوان بان هناك شي جميل كان موجودا ولكن سوف يتبدد حتي يصبح في احد الارفف التي تحمل شيئان لا يمكنهما الاعادة وهما الموت والولادة
لتكون بؤرة ومنارة للآخرين فكن زهرة تعطر المكان باجمل روائح الكلمات والمعاني ، وانثر شذى الالوان لتجعل تداخلها طيفا في عيون الآخرين الذين اختلطت عليهم حاستي الشم والبصر، وهما اللذان يجران البعض في خصوصيات الآخرين واقتحامها عنوة لتنهال بعدها الكوارث
من حقك ان تستاء.ولكن ليس من حقك ان تعبر عن استياءك للاخرين
مشكور ع المروري يا غالي واتمنى ان اسعد الاخرين واكون زول ليهو قيمة اسعد الناس بوجودي .. هذه رسالتي في الحياة
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 14
رد: ليمونة مشاكل
نتابعك ياديك العدة -------
ذخيرة جيدة من المصطلحات الشعبية فى قاموسكم تذكرنى بالطيب محمد الطيب صاحب صور شعبية عليه الرحمة -----
عودا حميدا --- وفك حظر مستدام ----
ذخيرة جيدة من المصطلحات الشعبية فى قاموسكم تذكرنى بالطيب محمد الطيب صاحب صور شعبية عليه الرحمة -----
عودا حميدا --- وفك حظر مستدام ----
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 15
رد: ليمونة مشاكل
اها حنستنى اسبوع
كتيروالله
الحصل شنو
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 16
رد: ليمونة مشاكل
تانى مساء الخير
ياعمدة الجماعة حصلو فرصة فيك وقالو ليك اغنية ( غيب وتعال تلقانا نحن زى ما نحنا ) ما بتنفع معاهم -----
يااخى --- اعمل ليك dsl فى البيت واتفرغ لى ناس ودعبدالله و----
-- ممكن انت برضو خايف من الجماعة فى البيت -- برضو احتمال وارد
--- العمودية بقت مكلفة زيادة --- ما وراها غير الهم ---
خليها وابقى مع الحمام الميت ----
ياعمدة الجماعة حصلو فرصة فيك وقالو ليك اغنية ( غيب وتعال تلقانا نحن زى ما نحنا ) ما بتنفع معاهم -----
يااخى --- اعمل ليك dsl فى البيت واتفرغ لى ناس ودعبدالله و----
-- ممكن انت برضو خايف من الجماعة فى البيت -- برضو احتمال وارد
--- العمودية بقت مكلفة زيادة --- ما وراها غير الهم ---
خليها وابقى مع الحمام الميت ----
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 17
رد: ليمونة مشاكل
هلا وغلا يا مبدعة عبير اليومين الفاتو كنت مشغول بعدة مواضيع اها جيكتم افتحوا البابعبير عوض كتب:
اها حنستنى اسبوع
كتيروالله
الحصل شنو
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 18
رد: ليمونة مشاكل
صدقت يا غالي هههههههههه العمودية مكلفة شديد لكن الحمد لله ربنا بوفقنا لما فيه الخير ونعتذر لاحبتنا المشاهدية هناك خلل فني ادي لانقطاع مفاجيمعتصم الصادق كتب:تانى مساء الخير
ياعمدة الجماعة حصلو فرصة فيك وقالو ليك اغنية ( غيب وتعال تلقانا نحن زى ما نحنا ) ما بتنفع معاهم -----
يااخى --- اعمل ليك dsl فى البيت واتفرغ لى ناس ودعبدالله و----
-- ممكن انت برضو خايف من الجماعة فى البيت -- برضو احتمال وارد
--- العمودية بقت مكلفة زيادة --- ما وراها غير الهم ---
خليها وابقى مع الحمام الميت ----
مشاققة : انت عارفة اخوك اسد ما بخاف انا الشافو خلوهو انا ضنب الكلب الاعوج هههههه
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 19
رد: ليمونة مشاكل
ليمونة عيونا ولعت وبقت زي شرار القطن لما احرقو للموسم الجديد . وطلعت من بيت ناس عوضية كريمات وهي ما بتشوف القدامها وتهمهم وتزمجر الليلة يا شلاقة شوف ليك بلد ( انا عاملة فيها بحبك ) من شدة مشيها قائم غبار وراها ما بتشوف القدامك . طبعا عوضية منتظرة يوم ذي دا بفارق الصبر وطبعا مبسوطة للمغرزة السوتها في الولد شلاقة
ليمونة دفرت باب ناس شلاقة وهي تزمجر : هووووووووووي يالتبش البقى امش .. يا الترب النايصات .. يا البتمو بيهو العدد ..يا اليدك تحت الرجال .. يالمريسيلة .. الوقت داك الناس كلها اتلملمت في بيت ناس شلاقة. شلاقة من شدة الهجمة خشمو اتلعثم وماقدر انضم طبعا ما قدر استوعب الحاصل !! ( لانو ليمونة ما بتديك فرصة عشان تشرح برنامج الشرح والاعتزارات دي ما فيها قاموسها ) شلاقة : دقيقة يا ليمونة الحاصل شنو مالك في شنو بصوت مهموس الجنبو ما بسمعو. ليمونة : انشاء الله ادقوك وما اتلقى عضم من عضامك يالرمة يا ابشلاليف كبار زي خشم الحمار .. ياليمونة براحة في شنو . الراحة الماتلقاها يا المحراكة . ليمونة : انا ياشلاقة عاملة فيها بحبك انا ليمونة البتهز وترز ، متين رميت نفسي عليك وهاك ياضربة من يدها ليمونة معروفة يدها طالوش . شلاقة ما قدر اتحمل الضربة وقع على خشمو غمران والسكاليب دورت . لانو معروف النسوان قبل ما اعرفن الحاصل شنو بسكلبن إعلان لموت الولد شلاقة وبدن اكوركن والعملية جاطت .. نواصل
ليمونة دفرت باب ناس شلاقة وهي تزمجر : هووووووووووي يالتبش البقى امش .. يا الترب النايصات .. يا البتمو بيهو العدد ..يا اليدك تحت الرجال .. يالمريسيلة .. الوقت داك الناس كلها اتلملمت في بيت ناس شلاقة. شلاقة من شدة الهجمة خشمو اتلعثم وماقدر انضم طبعا ما قدر استوعب الحاصل !! ( لانو ليمونة ما بتديك فرصة عشان تشرح برنامج الشرح والاعتزارات دي ما فيها قاموسها ) شلاقة : دقيقة يا ليمونة الحاصل شنو مالك في شنو بصوت مهموس الجنبو ما بسمعو. ليمونة : انشاء الله ادقوك وما اتلقى عضم من عضامك يالرمة يا ابشلاليف كبار زي خشم الحمار .. ياليمونة براحة في شنو . الراحة الماتلقاها يا المحراكة . ليمونة : انا ياشلاقة عاملة فيها بحبك انا ليمونة البتهز وترز ، متين رميت نفسي عليك وهاك ياضربة من يدها ليمونة معروفة يدها طالوش . شلاقة ما قدر اتحمل الضربة وقع على خشمو غمران والسكاليب دورت . لانو معروف النسوان قبل ما اعرفن الحاصل شنو بسكلبن إعلان لموت الولد شلاقة وبدن اكوركن والعملية جاطت .. نواصل
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 20
رد: ليمونة مشاكل
متابعين مسلسل شلاقه -----
ياعمدة مصطلحات واسماء ما عارف بجيب من وين ------
ناس الاذاعة السودانية لو عرفوك مابخلوك ---- احتمال ادفعو بالدولار ---
وبرضو منتظرين ----- الفورة 1000
ياعمدة مصطلحات واسماء ما عارف بجيب من وين ------
ناس الاذاعة السودانية لو عرفوك مابخلوك ---- احتمال ادفعو بالدولار ---
وبرضو منتظرين ----- الفورة 1000
محمد عبدالله- متميز
- عدد المساهمات : 186
نقاط : 275
تاريخ التسجيل : 18/04/2010
العمر : 42
- مساهمة رقم 21
رد: ليمونة مشاكل
شئ عجيب خلاص
اول مر يلاقيني ميسيخابي بالو طويل زيك كده يامحمد حمامه
اول مر يلاقيني ميسيخابي بالو طويل زيك كده يامحمد حمامه
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 22
رد: ليمونة مشاكل
ياود عبدالله ---
دا اسمو فى علم البلاغة ( ذم ما يشبه المدح )
المسيخاب اهلك مالك بتنبذ فيهم ----
--- يا ادمن راس السوط وصلك --- العماره دى اصلو مامريحانا
دا اسمو فى علم البلاغة ( ذم ما يشبه المدح )
المسيخاب اهلك مالك بتنبذ فيهم ----
--- يا ادمن راس السوط وصلك --- العماره دى اصلو مامريحانا
محمد عبدالله- متميز
- عدد المساهمات : 186
نقاط : 275
تاريخ التسجيل : 18/04/2010
العمر : 42
- مساهمة رقم 23
رد: ليمونة مشاكل
ديل اهلي وشايل طبعهم كان مساخه كان شفقه
والعماره برضو اهلي وشايل طبعهم
والعماره برضو اهلي وشايل طبعهم
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 24
رد: ليمونة مشاكل
عدلت العبارة الى الاتى------
ديل اهلى وشايل طبعهم وكل مساحة فينى منهم
والعماره برضو اهلى وخايف منهم ----
ادام الله ايام الوصال وكم لك فى الدواخل من حب واحترام ---
ديل اهلى وشايل طبعهم وكل مساحة فينى منهم
والعماره برضو اهلى وخايف منهم ----
ادام الله ايام الوصال وكم لك فى الدواخل من حب واحترام ---
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 25
رد: ليمونة مشاكل
هوي ياجماعه كلمو الزول ده قولو ليهو ما تطول الموضوع
ادينا خمسه حلقات اجمالي كل اسبوع
ما حلقة واحده كل اسبوع
مافي صبر خالص
لا اقول ليك اديني النهايه وبعدين كمل للباقيين ما عندي طول البال
ادينا خمسه حلقات اجمالي كل اسبوع
ما حلقة واحده كل اسبوع
مافي صبر خالص
لا اقول ليك اديني النهايه وبعدين كمل للباقيين ما عندي طول البال
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 26
رد: ليمونة مشاكل
دى العين الخضراء البقصدا انا ---- عين الاوامر
يا استاذه دا مسلسل لازم سيناريو وحبكة وتشويق ----
انا متابعو فقط عشانك ----
يا ودحمامه -- عذبتنا ---
يا استاذه دا مسلسل لازم سيناريو وحبكة وتشويق ----
انا متابعو فقط عشانك ----
يا ودحمامه -- عذبتنا ---
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 27
رد: ليمونة مشاكل
ههههههههههه الزمن علمنا شوية طولت بال نعمل شنو يا قريبنامحمد عبدالله كتب:شئ عجيب خلاص
اول مر يلاقيني ميسيخابي بالو طويل زيك كده يامحمد حمامه
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 28
رد: ليمونة مشاكل
والله ياعبير بالك قصير كدة مالك اصبري شوية خلي النسوان اقيفن شوية من الردحي حقهن دا عشان انا طالع في الحيطة بتفرجعبير عوض كتب:هوي ياجماعه كلمو الزول ده قولو ليهو ما تطول الموضوع
ادينا خمسه حلقات اجمالي كل اسبوع
ما حلقة واحده كل اسبوع
مافي صبر خالص
لا اقول ليك اديني النهايه وبعدين كمل للباقيين ما عندي طول البال
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 29
رد: ليمونة مشاكل
ههههههههه دا مسلسل مهند ونور بس بالبلدي السودانيمعتصم الصادق كتب:دى العين الخضراء البقصدا انا ---- عين الاوامر
يا استاذه دا مسلسل لازم سيناريو وحبكة وتشويق ----
انا متابعو فقط عشانك ----
يا ودحمامه -- عذبتنا ---
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 30
رد: ليمونة مشاكل
من شدة السكاليب مدورة ما بتعرف الحاصل شنو والنسوان التقول ضربو ليهن تلفون اتلملم نسوان الحلة والقرى المجاورة وبدن في الردحي والحي وووووووووووب .. الرجال جو داخلين وعمك ابكر عنقريب راجل في حالو رزقو بسيط من تجارة العناقريب وانسان قنوع لما السكاليب دورت ساب الفي يدو وجاء جااري : هااااااا نسوان في شنو ؟ الحاصل شنو ؟ طبعا اربعين واحدة نضمت كعادة النسوان . ودي حاجة محيراني ليها زمن لو جيت ماري بنسوان انضمن تلقاهن كلهن انضمن والغريب بردن على بعض انا مستغرب كيف بفهمن كلام بعض .. اها ابكر عنقريب مشى على الولد شلاقة . طبعا صدق كلما النسوان وقال القنوا الشهادة . اول ما جاء جنبوا شلاقة كرعينو بدن إفرفرن وطوالي مسكو من يدو وقال ليهو حمد لله على السلامة وشال عكازو بفتش في ليمونة . ليمونة ما بقت ليمونة دي بقت صاروخ لانها لحظة ما النسوان قامن سكلبن هي طفرت بالحيطة ويا فكيييييييييك . الموضوع كبر وعوضية كريمات لقت روحها اتورطت اها كيفن المخارجة تقول شنو وتعمل شنو . شلاقة قام علي حيلو وطرد النسوان لانو افتكر من شدة السكاليب واحد من ناس بيتم مات ما هو المفتكرنو ميت . اها ناس الاجاويد دخلو في الموضوع لانو شلاقة قال داير افتح بلاغ في البوليس .قالو امشو لليمونة في بيتها واعرفو الحاصل منها وسبب الضربة القاضية دي شنو. ودخلو على ليمونة في بيتها ليمونة نسوان الحلة كلموها بانو البوليس حيجي الحلة والموضوع حيكبر مافي مفر غير الحقيقة . طوالي قالت ليهم السبب : عوضية كريمات قالت لي كدا وانا زعلت وعيوني طششن وبقيت ما بشوف الوقت داك شلاقة جاء داخل عليهم وشايل ليهو طورية في يدو الجماعة مسكوا وسالو هل انتي قلت الكلام دا ولا ما قلتو. شلاقة يا دوب فهم القصة وعرف المغرزة السوتها فيهو عوضية وشرح ليهم الحاصل ليمونة ما قدرت تقول حاجة لكن عرفت خباثة عوضية ومكرها واعتزرت لشلاقة بوجود مجلس الصلح لكن قالت ليهم : اتيمنت واتنضرت وابوي ما جابني كان اخلي عوضية كريمات . انا عوضية تعمل فيني كده .. ( شفتو القوالات بتعمل شنو ودي اكبر مصيبة وصفة زميمة ياريت لو سالنا ربنا اننا ما نكون من الناس الزي ديل . والوقالة بتوصل الناس لمراحل عجيبة جداُ ) .. نواصل عشان نشوف ليمونة عملت شنو مع عوضية ..
mohdraggo925- متميز
- عدد المساهمات : 355
نقاط : 1041
تاريخ التسجيل : 02/03/2010
العمر : 60
الموقع : مدني الحنينة
- مساهمة رقم 31
رد: ليمونة مشاكل
الله يستر عليك ياعوضيه كريمات
متابعين
متابعين
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 32
رد: ليمونة مشاكل
متابعين يا محمد حمامه بس
ما تطول
ما تطول
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 33
رد: ليمونة مشاكل
من الملاحظ انو القواله سببها ولد يعني هو سبب المشكلة من البدايه
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 34
رد: ليمونة مشاكل
تسلم يا غالي ومشكور ع المرورmohdraggo925 كتب:الله يستر عليك ياعوضيه كريمات
متابعين
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 35
رد: ليمونة مشاكل
حااااااااااااضرعبير عوض كتب:متابعين يا محمد حمامه بس
ما تطول
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 36
رد: ليمونة مشاكل
ما تابعتي من البداية ولا شنو يا عبير الاولاد ما بتاعين قوالة معروف النسوان بتاعات القوالات لانو الولد شلاقة مسكين عوضية كريمات قالت لليمونة انو شلاقة قال ولو لاحظتي شلاقة ما قال اي حاجة دي من عمائل عوضية جاتو في صمت خشمو هههههههههعبير عوض كتب:من الملاحظ انو القواله سببها ولد يعني هو سبب المشكلة من البدايه
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 37
رد: ليمونة مشاكل
قام ود جيرانم شلاقة معروف خشمو متبري منو قال ليها يا ليمونة عوضية كريمات قالت لي ليمونة اليومين ديل بقت شينة الكريم الجبتو ليها باين عليهو ما نفع معاها.. اها ليمونة ما صدقت شالت الكلام ولانو ابوها عارفها بقى اكورك ليك تعالي يا بت وطبعا هي ما صدقت لقت ليها كلام كانو ما بتكلم معاها ومرقت جري على بيت ناس عوضية
طيب ماهو كده شال كلام ولا شنو
طيب ماهو كده شال كلام ولا شنو
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 38
رد: ليمونة مشاكل
كلامك صاح بس السبب كترة القعاد من النسوان لانو معروف عنهن السودا الأعظم منهن بحبن القوالات . بس انتي ما منهن ههههههعبير عوض كتب:قام ود جيرانم شلاقة معروف خشمو متبري منو قال ليها يا ليمونة عوضية كريمات قالت لي ليمونة اليومين ديل بقت شينة الكريم الجبتو ليها باين عليهو ما نفع معاها.. اها ليمونة ما صدقت شالت الكلام ولانو ابوها عارفها بقى اكورك ليك تعالي يا بت وطبعا هي ما صدقت لقت ليها كلام كانو ما بتكلم معاها ومرقت جري على بيت ناس عوضية
طيب ماهو كده شال كلام ولا شنو
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 39
رد: ليمونة مشاكل
ليمونة دخلت الزقاق زي ما بقولو الجماعة وعرفت نتيجة تهورها لكن ابليس ما بخليها على مزاجها وقال ليها لو سبتيها حتكوني اضحوكة وكل الناس حتشمت فيك وثانيتين مرقت من بيتم بدون ما تتكلم مع أي زول وقرونها طلعن عاملة زيا لتور الهائج ماشة جري على بيت ناس عوضية .. عوضية عرفت بمجلس الصلح الاتعمل بين ليمونة وشلاقة وجهزت نفسها لحرب بسوس حتقومها ليمونة عليها اها قالت بينها وبين نفسها ( كتلوك ولا جوك جوك ) انتظر في بيتي والبحصل احصل . ليمونة كعوائدها دفرت الباب الاصلو مفتوح من شدة الزعل : عوضية الله لا اعوضك في الدنيا ولا في الآخرة ، يا البهيمة العرجاء ، يا شبه الجوع ، تلعبي بي كورة شراب على اخر عمري ومسكتها من شعرها معضتو ليها ورمتا في الواطة وكتحتها بالتراب وزي العوائد الناس لتلملو وماسالو عارفين صوت ليمونة لما تقوم بتسمع لآخر الحلة من شدة الكواريك المرة دي ما اتدخل زول لانو عوضية زاتها ماعندها وجيع معظم الناس شمتانين عليها لانها بتاعت حركات وشايفة نفسها شوية .
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 40
رد: ليمونة مشاكل
الشماته في عوضيه باينه
سمعت بالمثل بقول
كل بحر وليهو تمساحو
سمعت بالمثل بقول
كل بحر وليهو تمساحو
عبير خضري(ام رتاج)- متميز
عدد المساهمات : 1809
نقاط : 2416
تاريخ التسجيل : 13/12/2009
العمر : 36
- مساهمة رقم 41
رد: ليمونة مشاكل
ياناس ليمونه مافي جديد؟؟؟؟؟؟؟؟؟؟؟؟؟؟؟؟؟
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 42
رد: ليمونة مشاكل
الى عشاق ----ليمونه وشلاقه ---
الاسبوع دا كلو مشغولين والخطوط مزدحمة ----
ليه عشان زواج اختنا -- امال احمد --- قولو مبروك ---
القنوات عندنا مشغولة بالبث المباشر --- مافى اى دراما ---
-- هذا بمثابة اعلان رسمى واعتذار مسبق -----
--شكرا لكل الاحبة والمتتبعين -----
الاسبوع دا كلو مشغولين والخطوط مزدحمة ----
ليه عشان زواج اختنا -- امال احمد --- قولو مبروك ---
القنوات عندنا مشغولة بالبث المباشر --- مافى اى دراما ---
-- هذا بمثابة اعلان رسمى واعتذار مسبق -----
--شكرا لكل الاحبة والمتتبعين -----
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 43
رد: ليمونة مشاكل
صدقت يا غالي وعذرا لكل الاحبة المتابعين وانتو عارفين اي زواج بكون البيت كلو مشدود وزحمة وراسي جائط شوية لكن لو لقيت طريقة حنزل الاكشن الجديد في الموضوع وعذرا مرة تانيةمعتصم الصادق كتب:الى عشاق ----ليمونه وشلاقه ---
الاسبوع دا كلو مشغولين والخطوط مزدحمة ----
ليه عشان زواج اختنا -- امال احمد --- قولو مبروك ---
القنوات عندنا مشغولة بالبث المباشر --- مافى اى دراما ---
-- هذا بمثابة اعلان رسمى واعتذار مسبق -----
--شكرا لكل الاحبة والمتتبعين -----
مشاققة : شكرا ليك يا معتصم الناطق الرسمي ههههههههه
معتصم الصادق- متميز
عدد المساهمات : 1570
نقاط : 2110
تاريخ التسجيل : 22/02/2010
الموقع : السعودية
- مساهمة رقم 44
رد: ليمونة مشاكل
الناطق الرسمى فقط للعمده ---
الباقين كاعندى معاهم شغله ----
ربنا اتمم على خير---
الباقين كاعندى معاهم شغله ----
ربنا اتمم على خير---
محمد حمامه- متميز
- عدد المساهمات : 969
نقاط : 1036
تاريخ التسجيل : 23/02/2010
العمر : 53
الموقع : السعودية - الرياض
- مساهمة رقم 45
رد: ليمونة مشاكل
رجعنا واشتقت ليكم بالجد واسف مرة اخري للانقطاع بس بيني وبينكم كان العرس جميل وماقصرو كل ناس الفقراء والاحبة جونا ووقفوا معانا كعوائدنا الطيبة في الافراح والاتراح . الشكر لكل من اتصل او اتانا في الاستراحة عامة لكل اهلنا بالفقراء والقرى المجاورة ومدني والخرطوم وام درمان وبحري وكسلا وكوستي وخاصة لاهلنا المسيخاب الكل وقف وقفة واحدة وكانت ليلة جميلة ادام الله ايامنا افراح وجمعنا مع من نحب في كل خير وسعادة
الخميس أغسطس 06, 2015 5:10 pm من طرف محمدخميس
» اين عبير خضرى
الأربعاء يوليو 15, 2015 9:53 am من طرف رافت صبحى
» من الاخطار التى تقابل المسلمين فى طريق الله
الجمعة يونيو 05, 2015 7:53 pm من طرف محمدخميس
» صفات رسول الله صلى الله عليه وسلم المعنوة والباطنية
الثلاثاء مايو 26, 2015 9:02 am من طرف محمدخميس
» من الحجب التى تحجب المريد عن فضل الله
الخميس مايو 14, 2015 10:40 am من طرف محمدخميس
» مالك ابن دينار
الإثنين نوفمبر 10, 2014 10:10 am من طرف سيف بن خلفان المبسلي
» المراة القبيحة افضل للرجل صحيا00
الإثنين نوفمبر 10, 2014 7:06 am من طرف سيف بن خلفان المبسلي
» احذر طقطقة الاصابع !!!
الإثنين نوفمبر 10, 2014 6:58 am من طرف سيف بن خلفان المبسلي
» النظر للنساء يضعف الذاكرة
الإثنين نوفمبر 10, 2014 6:50 am من طرف سيف بن خلفان المبسلي