تمثل الديون هاجسا لكثير من الناس فتقلق مضاجعهم وتؤرق منامهم ووسط
ضغوطات الحياة الكثيرة لايستطيع احد ان ينجوا بنفسه من الديون ليبقي متوجسا لحين السداد
احد الحلاقين استدان مبلغا من المال من جاره علي ان يسدده له " حلاقة " وليس مال
يعني يجي المحل يحلق عشرة مرات والدين يكون خالص
صاحبنا بقي يمشي يحلق كل اسبوعين عسي ولعل يكمل مبلغ الدين في اقرب وقت ويحس انوا استرجع ماله في فترة وجيزة
الامور مشت كويس لحدي الحلاقة نمرة تلاتة , لمن جاء المحل للمرة الرابعة لقي الحلاق قفل وقالوا ليهوا الزول دة اشتغل حراسة في شركة وساب شغل الحلاقة , صاحبنا احتار يعمل شنو ؟
اشار عليه احد الجيران بأن يحضر " الحلاق السابق " دا ويجي يقيف قدام البيت للصباح لمدة سبعة ايام , وتكون كدة خلصت دينك منوا بأعتبار عمله الجديد كفرد حراسة وليس كحلاق
قد نفهم من هذه القصة ان الديون يمكن سدادها بمقابل اخر غير المال
كيف يعني ؟؟؟؟
يعني مثلا انت شغال مهندس " كمبيوتر ": واستدنت مبلغا من المال من واحد " عكليت " زي معتصم دة كدة يبقي تتعهد لصاحب الدين بأنك حتقوم بأصلاح كمبيوتر يخصه ويخص عائلته لفترة يتفق عليها " وكدة نكون خالصين "
طيب قول شغال في محل عطور اها اقضي الدين كيف ؟؟
احسن شي تقول لصاحب الدين كل يومين تعال اخد ليك " بخة " من عطر مختلف لحدي مامبلغ الدين يخلص
طيب لو شغال " سواق " اسدد ديني كيف ؟؟؟
غايتوا ماعندك حل غير تتعهد لصاحب الدين بتقضية كل المشاوير العامة والخاصة له ولكل افراد اسرته , ولو فضل ليهو حاجة بسيطة ممكن تديهوا " سحبة " صغيرة بالعربية لو بتفكك منوا
طيب لو انت عاطل وماعندك شغلة تسدد بيها دينك اليك الحل :
امشي لصاحب الدين شوف ممكن تعمل ليهوا شنو ؟؟؟
مثلا ,,, تردم لي تراب قدام البيت ,,, تمشي تملاء لي امبوبة الغاز ,,, تسقي لي الشجر ,,, تترسل لي الجزارة وانت وشطارتك بعد كدة "
طيب لو بقيت شاعر اسدد ديني كيف ؟؟؟
ابسط شي تكتب فيو بيتين شعر وتقتل بيهن حيلوا
مثلا تقول لي :
من شوفتك انا بتحرم
لو سددتة ليك ديوني
القلب يغشاهوا الحزن
ودموعي تملاء عيوني
ولساني يابا الكلام
وبندس سوط سنوني
قف :
كفانا الله واياكم شر الديون
واغنانا بحلاله عن حرامه
واغنانا بفضله عن من سواه
الخميس أغسطس 06, 2015 5:10 pm من طرف محمدخميس
» اين عبير خضرى
الأربعاء يوليو 15, 2015 9:53 am من طرف رافت صبحى
» من الاخطار التى تقابل المسلمين فى طريق الله
الجمعة يونيو 05, 2015 7:53 pm من طرف محمدخميس
» صفات رسول الله صلى الله عليه وسلم المعنوة والباطنية
الثلاثاء مايو 26, 2015 9:02 am من طرف محمدخميس
» من الحجب التى تحجب المريد عن فضل الله
الخميس مايو 14, 2015 10:40 am من طرف محمدخميس
» مالك ابن دينار
الإثنين نوفمبر 10, 2014 10:10 am من طرف سيف بن خلفان المبسلي
» المراة القبيحة افضل للرجل صحيا00
الإثنين نوفمبر 10, 2014 7:06 am من طرف سيف بن خلفان المبسلي
» احذر طقطقة الاصابع !!!
الإثنين نوفمبر 10, 2014 6:58 am من طرف سيف بن خلفان المبسلي
» النظر للنساء يضعف الذاكرة
الإثنين نوفمبر 10, 2014 6:50 am من طرف سيف بن خلفان المبسلي