الكتب المدرسيه............. للنقاش .........................

ود الصادق كتب:بصراحة يا أخت عبير نحن بعيدين عن الموضوع لأنو الواحد طول من السودان بس حسب علمنا أنه الطباعة في السودان عموماً ما زالت في خطواطتها الأولى وشعار (الخرطوم تطبع) يحبو بخطواته الأولى.. وقد رأيت كتابين مطبوعين في السودان بصراحه حاجه مخجله من ناحية الإخراج الفني ومن ناحية الطباعة فهي باهتة عايز زول يكون أصغر من معتصم شويه عشان يشوف الحروف.
في كتاب الصف الثاني الثانوي بتاع اللغه الانجليزيه زي معتصم وبظاره قعر كبايه ما اعتقد انو ينقر كلمه ليييييييييييه
انا لما شوفتو فشفاشي اتورم صفحه فيها كتابه وصفحه ما فيها وتقول لي نطول البال
مشكلة الكتاب المدرسي مشكلة قديمة تتجدد سنوياً وأذكر أنه زمان أطلس السودان كان بصرفوه لينا في حصة الجغرافيا والتاريخ وعليه جنس كلام تذكار من فلان وذكرى من علان
حتى صار كمرقوعة الدرويش
.علي فكرة اطالس المدرسه الجنبنا حرقوها تقريبا منذ عام حاليا ما بهتمو بالاطالس وانا متاكده لو جبت اي طالب عشان يطلع ليك دوله من الاطلس بالتكاله واكيد ما بعرف يرسم خريطه بلدو
وتقول نطول البال لبتيييييييييييييييييين
تخريمة:
عبير البمقص كتير بس طولي بالك

محمدسفيان كتب:السودان كله يعانى من مشكله
الكتاب المدرسى لانه اصبح مسؤليته
على الولايه وليس المركز واصبح بكل
ولايه مطبعه تابعه لوزاره التربيه
نحن الان فى ولايه غرب دارفور نعانى
من الكتاب المدرسى حتى المدرس
ماعندو كتاب عشان يكون ليهو مرشد
ونعزر السبب كله الى وزاره التربيه وخصخصه المطابع عندا كل بدايه عام دراسى يصدر وزير التربيه بمجانيه التعليم والاستعداد للعام من كتب واجلاس ويتفاجئه ااولياء الامور مع بدابه العام بانه لاتوجد مجانيه ولاكتاب نعم ان هنالك انتشار كبير للمدارس والجامعات ولاكن بدون فائده